Le prologue d'antigone en arabe dialectal marocain | ||
eddaki mohamed (Autre) [12 msg envoyés ] Publié le:2013-06-19 18:04:53 Lu :2970 fois Rubrique :Espace enseignants 3 votes 4/5 Eddaki mohamed Lycee al wahda taounate Poussé par une curiosité ; une fantaisie ou je ne sais quoi Je propose a tous les collegues cette traduction d’Antigone en arabe dialectal mais chemin faisant je voudrais bien bien voir sur ce site que je frequente tout le tps les reaction s des collegues sur ce et ce qu’on pourrait en faire pour aider les eleves d’une part et satisfaire j’ai traduit la piece entirement Et je commence par vous proposer le prologue
برولوك:
اوى هاتوما كاتشوفوا هاد الشخوص غاديين ايلعبوا ليكم
اونتيكون.اونتيكون هي ديك الضعيفة اللي كلسة لهيه و اللي ما كاتكول والو,او كاتشوف قدامها سايرة كتخمم ,كتخمم على انها هي اللي غاديا تكون اونتيكون من بعد واحد الشويا تاع الوقت او غاديا تنبعث فجاة من ديك البنت الصغيرة الضعيفة السميرة و المنكمشة على نفسها, واللي حتى واحد ما كيسوق ليهافوسط العائلة.قلت غادا تنبعث و غادا توقف وحدها فوجه العلم,وحدها فوه كريون خالها اللي هوا الملك .كتفكر انها غادا تموت وانها شابة وانها حتى هي كانت تبغي تعيش حياتها لكن ما عنها ما الدير :سموها اونتيكون ’و واجب عليها تلعب دورها حتى النهاية
او ملي ترفع الستار وهي كتحس انها كتبتعد على اختها اسمين بواحد السرعة كبيرة.اسمين هي اللي كلسة لهيه كتقرقب الناب مع واحد الشاب منا حنا اللي سايرين نشوفو ,حنا اللي ماتبعناش الموت ها العشية.
هاذ الشاب اللي كيتكلم مع اسمين الشقراء الزينة السعيدة هو هيمون ولد كريون,و هو الخطيب تاع اونتيكون.-سبحان الله –هو قريب لايسمسن على اونتيكون:كيتذوق الرقص والالعاب كايبغي يكون سعيد وناجح او ايسمسن جميلة على اونتيكون.او واحد لعشية فواحد الحفل راقص ارقص مع ايسمين.فواحد لعشية كانت ايسمين كاتشعل بالزين فديك الكسوة انتاعها او هوا يلقا اونتيكون سايرا كتحلم فواحد القنيتة(بحال هاذ لوقيتة)مقردة اويديها على اركابها اطلب منها (هيمون) تكون مرتو.حتى واحد ما عمروا ما عرف علاش.هزات عينيها فيه بلا استغراب او كالت ليه:واخا بواحد الابتسامةحزينة...الجوق يالله بدا واحد الرقصة جديدة,و ايسمين كاترخ لهيه بالضحك ,لهيه فوسط الدراري.اوى هاتوما كاتشوفوا,دابا هوا غادي يكون الزوج ديال اونتيكون,ما عارفش مسكين بلي ما عمرو ما توجد شي زوج ديال اونتيكون على وجه الارض ,ا وان هذ اللقب الاميري يا الله يسمح ليه باش يموت.
هاد الرجل الي عندو البنية قوية او شعروا بيض اللي كايتاملرافناتي على جنب الباج هادا هو كريون,هو الملك.كيلعب داك العب الواعر ديال ايصوك بالناس.من قبل كان فقط الشخصية الاولى في الحاشية تاع الملك.كان تايبغي الموسيقى والمجلدات الجميلة او كايبقا غادي دارع الوقت كلو في المدينة , تيب عند موالين البازارات.و لكن ملي مات ايديب او تبعوه اولادو خلا اكتوباتو والاشياء ديالو او شمار على درعين واو شد بلاصتهم.
بعد المرات ,في العشية كايكون عيان او كايبقا يتساءل واش من فائدة باش يصوك بالناس و يتزعمهم,واش هاد المهمة ماشي مهمة منحطة اللي خصوا ايخليهالغيروا من الاوغاد والمقصدرين.
او مرة واحد الصبا ح صبحات عاندوا مشاكل من نوع خاص اللي خاصوا يلقى ليها حل.او تيفيق بهدوء بحال واحد العامل مع البدية تاعت النهار.
هاذيك لمرا الكبيرة اللي سايرا تنج الصوف على جنب لانوريص اللي ربات البنات بجوج,هاديك المرا هي اوريديس مرت كريون.غادا تبقى كاتنج الصوف حتى يجي دورها باش تنوض واقفة وتموت.هي امرة طيبة شريفة او كات بغي الخير للجميع ولكن والله ما تساعدو فحاجة .كريون غادي يبقا يتلاطخ غير بوحدو معى داك الباج الصغيوراللي ما يقدر حتى يساعدو فوالو.
هاد الولد الشاحب اللي لهيه في الركنة اللي متكي عال الحي طاو ساير كايحلم هوا الميساجي,هو اللي غادي فاللخريخبركوم بالموت تاع هيمون.هاد الشي علاش ما عندوش رغبة باش ايثرثر او يحشر راسومعا لوخرين على حقاش هوا فراسو الكمالة تاع القصة.
اخيرا هادوك الثلاثة ديال الرجالة الصحاح اللي سايرينا يلعبوا الكرطة او طرابشهوم مدلييين فوق اعناقهم ,هادوك هوما الحراس.هادوك ماشي ناس اقباح,عندهوم اولادهم و عيالاتهم او مشاكلهم بحال ايها الناس, ولكن غادين يتقبطو ليكم بدوك المتهمين من هنا واحد الشويا ديال الوقت او بواحد الهدوء منقطع النظير.هادوك فيهم ريحة التومة و الجلود او اتاي لمنارة او ما عندهومش معا داك الخيال.هادو هما المساعدين ديال العدالة نتاع كريون –كلهم براءة او عاجبهوم راسهوم
اما دابا ملي اعرفتوهم كلهم غادي يمكن ليهم يلعهبوا ليكم قصتهم .هاد القصة بات ملياملاد ايديب-ايتيوكل و بولينيس- تفاهموا بنتاهم باش كل واحد يتولى العرش عام والعام الموالي يترك العرش لخوه.جات القرعة فالاول في ايتيوكل لكن لما انتهى العام الاول مابغاش ايخلي لخوه العرش .شبكات بيناتهم اعطيني نعطيك التجا بولينيس لتكوين حلف خارجي ضد خوه او ضلوا الاخوة الاعداء كايتقاتلوا حتى ماتوا بجوجهم ,او الصراحة تهنات منهم تيب.
اصبح الملك من بعد هو كريون ,او فاول خطبة تاعو فالناس كال باش اتيوكل تدار ليه جنازا كوم ايلفو.واما بولينيس ,داك الصلكوط , الصعلوك ,المتمرد فالجتة تاعو غادا تلاح في الخلا يكلوها الديوبا والغراب.
او كملها او كريون لما كال للي زخبو الشيطان او مشا حتى دفن هذاك المتعوس ديال بولينيس راه غادي يجني على راسو بالموت
 Tout sur Antigone Sujets similaires Lecture du prologue d'antigoneévaluation, antigone d'anouilh, (le prologue) - réponses évaluation - antigone (prologue) -qs78 Le prologue d'antigone Fiche : lecture du prologue d'antigone Art oratoire Vu 238 fois QUESTIONNAIRE : AUX CHAMPS Vu 556 fois Démarche pour la dissertation littéraire Vu 386 fois ANALYSE COMPLETE DE " LA BOITE A ERVEILLES Vu 1690 fois Contrôle : Antigone - bcc3 Vu 2782 fois Production écrite (Sujet de réflexion) Vu 3032 fois Dictée à fautes (1) 12 réponses | Vu 4126 fois | ||
Par Jaafari Ahmed(Prof)le 2013-06-19 18:17:06 
Par KARMOUN FADOUA(CS)le 2013-06-19 18:57:21